Revalidá

Kiko ta medisina di rehabilitashon?

Medisina di rehabilitashon ta enfoká riba hende ku desabilidatnan físiko ku ta resultá di malesa, aksidente òf un kondishon kongénito. E meta di rehabilitashon ta pa mehorá funshonamentu, independensia i partisipashon den bida diario.
Na Fundashon Sentro di Rehabilitashon Kòrsou, nos ta ofresé tantu kuido di rehabilitashon interna komo ambulatorio pa adulto, i tambe rehabilitashon pediátriko ambulante.

Nos ta trata pashèntnan ku:

• Stroke (CVA);
• Amputashonnan;
• Kondishonnan ortopédiko;
• Kondishonnan neurológiko;
• Dolor króniko i problemanan di moveshon;
• Rehabilitashon pediátriko, inkluyendo parálisis serebral.
• Dependiendo di bo situashon, nos lo evaluá kua tipo di rehabilitashon ta mas apropiá.

Kiko un programa di rehabilitashon ta enserá?

Un programa di rehabilitashon ta kuminsá ku un atmishon i evaluashon dor di e dòkter di rehabilitashon. Huntu ku bo, un plan di tratamentu ta wòrdu desaroyá, adaptá na bo nesesidatnan i metanan. Tratamentu ta tuma lugá denter di un tim multidisiplinario, inkluyendo terapista i enfermeronan, bou di supervishon médiko di e dòkter di rehabilitashon.
E plan di tratamentu ta wòrdu evaluá i ahusta regularmente segun nesesidat.

Revalidashon Klíniko

Revalidashon klíniko ta nifiká revalidashon kaminda un persona ta keda interná pa un periodo den nos sentro, riba e departamentu di kuido médiko. Promé ku e hospitalisashon, e kliente ta sera konosí ku e dòkter di revalidashon. Mayoria biaha esaki ta tuma lugá for di den hospital. Riba e dia di hospitalisashon den nos sentro, e kliente lo tin un kombersashon ku e dòkter di revalidashon ku lo hasi un eksaminashon físiko, pa asina e por traha un plan di tratamentu ku e terapianan ku e kliente tin mester.

Nos klínika tin 12 kamber ku 21 kama. Tur kamber tin un baño ku ta sumamente aksesibel ku ròlstul. Mayoria di e kambernan tin dos kama. Algun kamber di un persona so, tin funshonnan spesífiko manera entre otro un espasio pa isolashon di kontakto, un kamber espasioso den kua por hasi uso di  un brankar ku por bai den baño i left di hisa pa tratamentunan mas kompliká. Tambe tin un studio ku un kushina chikí. Tin tambe bastante posibilidat pa sosiegu pa nos klientenan i tambe un biblioteka kaminda por lesa buki, revista i/òf hasi uso di un kompüter.

Revalidashon Poliklíniko

Kontrali na revalidashon klíniko, no mester keda interná  den nos sentro, den kaso di revalidashon poliklíniko. E dòkter di revalidashon ta desaroyá un programa di tratamentu personal pa e kliente, ku e terapianan ku e tin mester, manera por ehèmpel fisioterapia den kombinashon ku èrgo-terapia. Un seshon di terapia ta dura mas o ménos mei ora. Si e kliente mester sigui diferente terapia, lo plania esakinan tras di otro. Dependiendo di e programa di e kliente, e lo mester bini un òf mas dia na Het Revalidatiecentrum Curaçao. E terapeutanan ku ta wak e progreso pa siman i ta ahustá e programa kaminda esaki ta nesesario.

Kolaborashon

Nos ta traha estrechamente ku dòkternan referente manera dòkternan di kas i spesialistanan médiko. Si ta nesesario, nos ta mantené liñanan di komunikashon estrecho ku koleganan spesialisá, inkluso esnan pafó di Kòrsou, pa garantisá kordinashon optimal di kuido.

Referensia

Pa kuido di rehabilitashon, un referensia di bo dòkter di kas òf spesialista médiko ta nesesario.

Preguntanan?

Bo tin pregunta tokante nos tratamentunan òf bo ke mas informashon? Por fabor tuma kontakto ku nos.

Tempu di Espera

Nos ta hasi esfuerso pa wak pashèntnan mas lihé posibel. E tempu di espera aktual ta varia segun tipo di kuido i ta wòrdu aktualisá regularmente. Pa e orarionan di espera mas aktual, por fabor tuma kontakto ku nos na +599 9 524-2077 via e Sentro di Rehabilitashon. Pa terapianan, por fabor tuma kontakto ku nos na +599 9 513-5916.