Revalidatiecentrum Curaçao

Het Revalidatiecentrum Curaçao ta ofresé kuido na personanan ku un desabildat neurológiko, motóriko òf ortopédiko den forma di hospitalisashon klíniko òf tratamentunan poliklíniko. Nos ta ofresé kuido di revalidisashon general di un nivel haltu ku ta konsistí di tratamentu multidisiplinario i guia na tantu adulto komo mucha. Esaki ta dirigí riba rekuperashon òf mehorashon di e posibilidatnan pa e kliente ku un leshon físiko òf un desabilidat funshonal. Meta ta e (re)integrashon di e kliente den komunidat a base di su deseo- i posibilidatnan.

Na Het Revalidatiecentrum Curaçao nos ta ofresé 5 produkto di kuido:

  • Revalidashon klíniko 
  • Tratamentu poliklíniko
  • Grupo terapéutiko di mucha
  • Terapianan poliklíniko i klíniko
  • Konsultanan ku nos médikonan di revalidashon

Nos tim ta ofresé un skala amplio di posibilidatnan di tratamentu i guia ku ta konta bou di revalidashon general. Nos tim di revalidashon ta konsistí di kolaboradónan di diferente disiplina médiko, entre otro medisina di revalidashon, enfermeria, fisioterapia, ergoterapia, logopedia, sikologia i trabou sosial. Ademas tin kolaborashon estrecho ku trahadónan di instrumènt ortopédiko di van Curaçao Orthotics & Prosthetics.

Mas informashon

Riba e wèpsait akí por orientá riba nos produktonan di kuido i nos organisashon. Pa mas informashon bo ta bon biní pa tuma kontakto ku nos.

Revalidá na Het Revalidatiecentrum Curaçao:

‘Huntu nos ta traha na bo rekuperashon!’

Registrashon

Pa bin na remarke pa kuido di revalidashon, dòkter di kas òf un spesialista médiko mester manda un karta di referensia pa Het Revalidatiecentrum Curaçao. Ku e karta di referensia akí, un identifikashon bálido i un garantia di seguro por traha un sita serka e sekretaria di e dòkter di revalidashon.

Seguro básiko di SVB  i mayoria seguronan di gastu médiko partikular/privá ta kubri e kuido di revalidashon.

Pa mas informashon por tuma kontakto via (+ 599 9) 888-2560.