Fundashon Verriet ta ofresé guía i kuido na personanan ku un desabilidat mental i/òf físiko, na personanan ku outismo i tambe na personanan ku tin leshon selebral no innato. E vishon básiko di Fundashon Verriet ta ku kada persona tin derecho riba e posibilidat di desaroyá nan mes mas kompleto ku ta posibel.

For di e vishon básiko akí Fudashon Verriet ta ofresé un kantidat di servisio manera bibienda, aktividatnan di pasadia, fasilidatnan pa hospedá, oportunidat pa wak hende na kas i tambe terapia pa outismo. Banda di tur esaki tur dia un tim di eksperto ta empeña pa duna sosten spesialisá médiko, paramédiko i di komportashon sientífiko na e klientenan.