Oppas
Fundashon Verriet ta ofresé e oportunidat pa wak/kuida personanan ku un desabilidat mental i/òf físiko na kas. Personanan ku ta bin na remarke pa esaki, ta klientenan di Fundashon Verriet ku ta bishitá un sentro di pasadia i/òf personanan riba lista di espera.
Pa mayornan/kuidadónan di personanan ku un desabilidat ta hopi difísil pa haña un hende adekuá pa wak/kuida nan ser kerí. Pesei e fasilidat aki di Fundashon Verriet ta kumbiní, ya komo ku ta trahadónan di Fundashon Verriet mes ta bai kas pa wak/kuida e persona. Pues nan tin atenshon pa e aspekto di kuido i e nesesidatnan di e persona ku desabilidat. Ta posibel pa hasi uso di e fasilidat aki di djaluna te ku djadumingu entre 06:00 i 22:00.
![](https://cuatro.sim-cdn.nl/sgrgroep/uploads/styles/large_5x2_2560x1024/media/3q0a0220.jpg?h=e4de3172&cb=0wnn_8VG)