Rancho Harmonia

Na Rancho Harmonia na De Savaan, nos ta brinda terapia ku kabai na mucha i hóbennan ku outismo. Ta hasi uso di terapia ku kabai pa promoshon di desaroyo, guia ortopedagógiko i tambe fisioterapia riba kabai. Loke e diferente formanan di terapia tin komun, ta ku ta usa e kabai komo stimuladó, motivadó i aktivadó.

Klek aki pa mas informashon tokante terapia di outismo/terapia ku kabai.

‘Rancho Club’

Na Rancho Harmonia nos ta ofresé aktividatnan di ‘pony club’. E ‘Rancho Club’ t’éi pa mucha- i hóbennan ku tin afinidat ku kabai. Durante di e aktividatnan, nan ta siña tokante kuido di kabai, pero tambe kuminsá siña kore kabai. Tambe e terapista ta yuda e mucha- i hóbennan desaroyá entre otro nan abilidatnan sosial durante di e aktividatnan. ‘Rancho Club’ ta spesial pa mucha- i hóbennan for di 5 aña di edat. Pa mas informashon tokante ‘Rancho Club’ por tuma kontakto ku nos via number di telefòn (+599 9) 540-4042.

Lès di Kore Kabai

Tambe nos ta duna lès di kore kabai pa mucha- i hóbennan prinsipiante, intermedio i avansá.  E lèsnan aki ta wòrdu duná den grupo, pero tambe tin oportunidat pa haña lès privá/individual. E lèsnan aki ta pa mucha- i hóbennan for di 9 aña di edat. Pa mas informashon por tuma kontakto ku nos via number di telefòn (+599 9) 540-4042.