HOME  |  Nieuws  |  Konvenio pa un presupuesto nobo

Konvenio pa un presupuesto nobo

Konvenio pa un presupuesto nobo

Banko di Seguro Sosial (SVB) i Het Revalidatiecentrum Curaçao (RCC) a yega na un konvenio pa un presupuesto nobo te ku final di aña 2019. E konvenio aki ta garantisá kontinuidat, kalidat i durabilidat di kuido di revalidashon na Kòrsou, proveé pa e aseguradonan di SVB.

Konsiderando e desaroyonan rondó di hospital nobo i e intenshon pa baha e kantidat di 'ligdagen' di un pashènt den hospital, ta premirá ku den futuro RCC lo desempeñá un ròl hopi importante den e area di kuido aki na Kòrsou. Ku mira riba e desaroyo aki, tur partido a uni forsa pa yega na un akuerdo mutuo, ku a keda formalisá den un kontrakt dia 27 di yüni 2018.

Na momentu ku a firma e kontrakt aki, tantu RCC komo Fundashon Verriet a entregá nan relatonan anual i tambe relatonan di kalidat di aña 2017 na SVB.

Riba e portrèt por mira sr. Philip Martis (direktor di SVB) i sr. Henk Kamsteeg (direktor general di De SGR-Groep).