Nos produktonan
Curacao Orthotics & Prothetics ta produsí tres tipo di produktonan ortopédiko:
- Spalk pa korigí i sostené un parti di e kurpa;
- Prótesis pa remplasá un parti di e kurpa;
- Sosten ortopédiko manera kòrsèt, aparato ortopédiko, garoti i plantia pa den sapatu.
Prótesis
Un prótesis ta un rekurso ku ta remplasá un parti di kurpa ku a wòrdu amputá i e ta fasilitá algun funkshon di esaki. Kada kurpa ta úniko i e manera di biba di kada persona tambe ta diferente; pues un prótesis ta wòrdu trahá pa kada persona na midí, segun e nesesidatnan i karakterístikanan di e kliente su kurpa.
Na momentu di entrega di e prótesis e kliente ta haña konseho spesialisá tokante mantenshon di esaki. Ora e kliente haña e prótesis e lo mester kustumbrá na kuminsamentu ku e no tin heful den e prótesis. E dòkter di revalidashon i e fisioterapista lo duna guia di kon ta anda ku e prótesis.
Órtesis
Un órtesis ta un rekurso ku ta sostené un parti di kurpa. Na momentu ku un parti di e kurpa òf múskulo debilitá, ta pone un órtesis trahá na midí na e parti di kurpa ei pa sostené. Pa medio di e sosten akí e parti di kurpa en kuestion ta bira funshonal atrobe. Nos tim diplomá ta entregá órtesis ku tin na stòk òf ta manda buska esaki segun e kliente su nesesidat. Si un hende su sais ta diferensiá hopi for di e saisnan ku tin na stòk, lo manda buska un adekuá serka un di nos provedornan.
Preguntanan hopi hasí:
1. Ki ora mi mester kambia mi rekurso ortopédiko?
Bida di un rekurso ortopédiko ta difísil pa determiná i ta dependé di kada persona. E edat di e persona, e situashon di e skarnirnan, intensidat di moveshon, mantenshon di e rekurso i salú general di e persona ta un par di factor ku tin influensia riba desgaste di e rekurso ortopédiko.
2. Kon mi tin ku mantené mi rekurso ortopédiko?
Kada rekurso ortopédiko ta eksigí un aserkamentu spesífiko pa su mantenshon. Na entrega di e rekurso ortopédiko lo risibí konseho spesialisá serka nos tim, kon ta e mihó manera pa mantené e produkto.
